أول واحد عربي سأل آخر واحد عربي قال له : هو إحنا جينا الحياة علشان ننجح ولا علشان نفشل ؟

أجاب آخر واحد عربي .. وقال له : اللي أنا عارفه إن إحنا جينا !!!

على ما أظن إن دي فعلاً الإجابة الحقيقية على وجودنا في الأرض ..

إحنا جينا بس كده .. لا تقدم .. لا علم .. لا حضارة .. لا رقي .. لا صناعة .. بس جينا

ومن ناحية جينا .. إحنا جينا جداً

في كل حتة في الأرض تلاقينا !!

والحاجة المقرفة بجد إن فيه ناس مننا ماجوش وبس .. لكن بيفكروا وبيبدعوا ويخترعوا لكن تعمل إيه في الأكثرية الفاسقة ؟!!

وزي ما انتوا عارفين الأعراب أشد كفراً ونفاقاً وبطالة في الأحاسيس .. في الفكر .. في الإنسانية

وعلشان كده الناس اللي حلوة زي العسل اتخدوا في الرجلين وعايشين عيشة زي الزفت .. ليه ؟ لأن العرب الأفغان .. وعرب البوسنة .. وعرب كشمير .. وعرب الصين قايمين بالواجب

هاتك يا فرقعة .. هاتك يا تكفير .. هاتك يا خراب على كل شكل ولون ..

مليارات الدولارات ضايعة في القنابل والرشاشات وسايبين شعوبهم محرومة من أبسط حقوق الحيوان ( حيث المأكل والمشرب والسكن الآمن في الغابة )

والحقيقة .. مش القضية شكلنا قدام الأجانب ..

مش مهم الأجانب .. طـظ

لكن القضية في وضعنا نحن شعوبهم اللي حالنا يصعب على الكافر

الاقتصاد تحت الصفر .. والانتهاك مية مية ..

وحياة زي الموت بالظبط

علشان كده احنا أسهل ناس نستشهد لأن في الحقيقة احنا جينا باين علشان كده .. نموت موتة مش عادية ..

وكل واحد منا وهو بيموت ياخد معاه حبه .. خللي عزرائيل يشتغل .

أكبر مجتمع ينتمي لعزرائيل بحق ويساهم معه في تشييد تاريخه الإسود المنيل بستين نيلة على رأي " إبراهيم عيسى " وعلشان كده احنا شعوب رحمة وسلام وخير للكرة الأرضية

ابتهجي يا كرة يا أرضية لأننا إحنا جينا

إحنا جينا

الكل يستخبا !!!

( كيف ننسى هنا "حرب البناء" التي اشتعلت وتشتعل داخل "حرب الهدم" ؟ إنها حرب لا تقتل البصر وحده وإنما تقتل كذلك البصيرة .

الشطآن ، التلال ، الجبال ، ناطحات فضاء ضد الفضاء وضد السماء . احتقار فاجر للطبيعة ، براً وبحراً : احتقار فاجر للإنسان .

بناء هو الهدم في أبشع أشكاله . واقع هو نفسه العبث )

أدونيس

الله يا أدونيس !!