مصر اللي مش محروسه
بالصوت والصوره العين مكسوره وقلوب بتنزف دم والام ووجع وهم
من تاني حادثه رخيصه من تاني فعل مهين
دي ناس داخله تصلي وفي فرح معزوميين
وخرجين بالابتسامه مش شايليين سلاح مش شايليين سكاكيين
اقتلو النصاره كفره اصنام حجاره
اقتلو الطفل الرضيع وحقه كمان هيضيع
اقتل المسيحي تاخد قيراط في الجنه
علشان البعيد يتعظ علشان الشيطان يتهني
اقتل وكمان زياده متقطعهاش ياارهابي عاده
هما متعودين مدسيين بالبياده
مفكرش نجع حمادي والكشح والقدسيين
ولا دبابات الجيش في ماسبيرو معروفيين
اقتل وكتر ورثك دا كل راس بقراط
في الجنه تاخد حرثك تعمل عليه رباط
ياحكومه ياحكومه
ياحكومه هز الوسط ياراقصه علي السلالم
دم البرئ بيصرخ لاكن ربه اللي عالم
راحو فين المجرمين هربو ومش عارفيين
ومش جديده عليكم تاريخي مش ناسيكم
ياما يكون العدلي ياما يكون مختل
ولا يمكن يكون انسان جبان اتبخر وملهوش حل
لكن ربنا الموجود علي كل خاين في البلد علي قتل الابرياء وموت فرحه الولد علي العميل وعلي الجبان وعلي اللي اصلا مش انسان ربنا موجود

شنوده حبيب

  مصر اللي مش محروسه