رسالة من محب وأمين للإخوان المسلمين للقمص ديوسقورس المحرقى
من قلبي المفعم بالحزن والألم اسأل كل واحد من جماعة الإخوان
على جاره المسيحي جار وأشعل في قلبه نار
ليه وأنا المؤمن بالله الواحد الذي لا شريك له تكفرني
ليه وأنا بتبع المسيح الحي كلمة الله وروح منه وقول الحق
والديان الذي سيأتي ليدين الكل تحلل دمى وتقتلني
ليه بحبك وتكرهني أحترمك وبراعي شعورك وتجرحني
ليه تحرق إنجيلي وتشوه عقيدتي
ليه تمنعني ابني كنيسة اعبد فيها واصلي
حتى الكنيسة المبنية بتهدمها وتحرقها وتستولي على أراضيها
وتنهب كل محتوياتها بالذمة مش مكسوف ولا مات ضميرك خلاص
اجلس مع نفسك وراجع حساباتك وفكر وجاوبني
أنت راضى. وبتنام وضميرك مرتاح دنا جارك وابن بلدك
ليه تحرمني من حقوقي ليه تطردني من بيتي وتهجرني
ليه تزدرى برمز ديني
ليه تقول وتكتب على الحيطان كلام يعيبك ويجرحني
ليه تغتصب بنتي القاصر وتخطف ابني وعليه تساومني
تسرق وتنهب وتفعل الفحشاء والمنكر
وتصلى الفجر وتهلل وتقول الله اكبر
أي دين وأي اكبر الذى بهذا الأفعال يرضى ويقبل
تمثيل بالجثث وتخريب في كل مكان
هو ده الدين . هوده الإيمان أكيد غلطان أكيد ضحك عليك الشيطان
ليه مصر عايز تولعها دنا محتار في أمرك
أفعال يرفضها العقلاء ولا يقبل بها رب الأرض والسماء
الدين الحق دين السماء والأنبياء سماحة وصنع سلام
أخلاق مبادئ وقيم ورحمة أفعال محبة وخير للغير
وليس إرهاب وقلة أدب وأتاوى وبلطجة وأذى وحمل سلاح
الدين ليس شعارات ولا كلام ولا صورة وشكل ومنظر
ولا عدد ولاكم وإنما روح وحياة وعبادة وطهارة قلب وشجرة تطرح
دائما ثمر
أم دين الشيطان هو القتل والإبادة والتهجير والتفجير
والغش والنفاق وممارسة الأفعال الفاضحة والبحث عن السلطة
وهذا ما هو تعلمانه من كتابنا المقدس
ومن السيد المسيح مسيح الحب صانع السلام الذي كان يجول يصنع بالكل
خيرا
اشكي ليمن والشكوى لغير الله أهانه ومذلة
الله يرى وينظر فإحنا بصراحة فاض بنا الكيل وتعبنا
وعلى العموم إن لم تتب وتبعد عن طريق الشيطان أنت الخسران
ونهايتك قربت وحقيقتك بانت للكل وظهرت
وكل الذى تفعله أهانه ووصمة عار وتشويه ولا يقبله الازهر
فهناك ديان ينصف المظلوم ويجازى الظالم مهما كان
وفى النهاية لابد فاعل الشر ينضر ومن عقاب الله وجهنم لا مفر
أنا حزين عليك وبحبك ومن قلبي ادعيلك أنه يغيرك
حفظك ربى يا مصر يا بلدي وصانك من كل سوء وشر