الإسلام والكباب

اختلاف الأئمة

من قلة الزمة

اختلفو  الأئمة

فى عوج العمة

و ضربوا لخمة

وسط الزحمة

و بقت ازمة

من غير لازمة

احتاج الأمر للشهود

و كلام ف الفرائض و الحدود

و الاجماع و القياس

و الكوسة و القلقاس

و الفقه و التشريع

و الشم و البلابيع

و التفسير و التأويل

و فتح المناديل

و الشرع و القرع

و التدليس و التهجيص

و ده حسن

و دى نعيمة

و ده ضعيف

و ده لطيف

و شوية و بقت

علوم و اصول

لتجهيل العقول

و تسمين العجول

و آداب و فنون

لحشو البطون

و الضحك ع الدقون

و كل من كان

عطلان و خيبان

فى غفلة م الزمان

بقى صاحب دكان

اشكال و الوان

للفقه و الدخان

و الهجص و الخبلان

و راحت البلاد

فى دوامة توهان

من وقتها

حتى الان