|
الإسلام والكباب |
|
الأونطجية اتفرج يا سلام على بياعين الكلام يكدبوا الكدبة و يصدقوها قوام ده استعمار و احتلال و دى فتوحات الأبطال ده استنزاف و استغلال و دى غنايم حلال و من كل شعوب البلاد اللى و طئوها بالجياد سرقوا تاريخ الأجداد و نسبوه للأسياد الجداد و كل علم و اجتهاد للأبناء و الاحفاد انتحلوه الأنداد وبقى من ضمن الأمجاد و اختراعات المبدعين احفاد الفراعنة و الفينيقيين و البابليين و الأندلسيين و حتى الهنود و الصينيين من غير حيا و لا دين زيفوها المدعين و الصقوها بالمغاوير شعراء البعير و طلعوا لنا خبراء التحريف و التهجيص و التخريف باصطلاحات بهلوانية عن الحضارة العربية اللى خيبتها القوية مضرب الامثال فى تاريخ البشرية و اللى بلغت المنال و قمة المدنية لما ركبوا الجمال و كلوا المهلبية ما نفعتش " العربية " ما غلبوش الأونطجية قالو "اسلامية" مع انه مافيش حضارة مسيحية و لا بوذية و لا هندوسية لكن تعمل ايه فى عصابة حرامية محتاجين تاريخ عشان يبقالهم شرعية يستلفوه من أمم عتية رفعو عليها رايات العبودية و بقت من اقطاع الدولة الأمية و شويه و المهجصاتية طلعوا بحملة تخريفية و عبوا كتب التاريخ بخزعبلات فكاهية احنا اللى اخترعنا الحساب و الكفتة و الكباب و الطب و الكيميا و علاج الانيميا و التليفزيون و السيما و لعبة السيجة و الكومبيوتر و الصاروخ و توسيع النافوخ كم مهول م الخبول لتخدير العقول و تعميم الخمول عند آكلى الفول و راكبى الخيول |