|
الإسلام والكباب |
|
الحق يحرركم السنين عددها زاد بقى الف و ربعمية و كورال التبجيل نازل تزويق و ترقيع فى جلابية مهرية و الارهاب البغيض قايد حريق على يد الجماعات الاسلامية هوه ده الوجه الحقيقى اللى بيداروه الاونطجية بغناوى الوداعة و السماحة و التبريرات البهلوانية و الارانب خايفه تنطق لا تروح فطيس ف الملوخية رعاة البقر طلعوا القمر و احنا لسه فى الزريبة بنفتى فى لبس النعال باليمين و الا الشمال و الا بالخيبة الرهيبة لا اتاتورك ها يقدر و لا قديس على تخليص ابن رمسيس المارد الحبيس فى بلاص التهجيص يا احفاد الفراعنة رواد التنوير كفاية خداع نفس و تخدير ضمير و خلونا بكل تجرد و بفكر مستنير نقره تاريخنا بعيون مفتوحة و عقل بصير و نطلع منه بعبرة و بدرس خطير عن سبب وكستنا و تخلفنا المرير عشان نقف على حيلنا و نبدأ المسير الحق وحده اللى ها يحررنا و يقدرنا على تكسير اغلال الجهل فى ايدين شعب اسير |