|
ازجال واشعار |
|
|
!! الإنس شمهورش
مقدمة جهنمية
مـُلحة لازم تعرفوها اني نصي انس ونصي التاني جن
الإسم : أنا الإنس شمهورش محمد شمهورش جهة الميلاد : على رأي عمنا أبو النجوم - في أي أوضة مضلمة تحت السما على أرض مصر .. في أي دار وسط النخيل مطرح ما يجري مدام ميكنش قصر السن : يوم من الأيام اللي بتعمل ألف سنة .. وسعات اكتر في ايام الاكازيون البشرة : شبه البشر .. مخلوق على صورة الإله .. قمحي لون العيون : لون براءة الأطفال .. وسواد الليل الغميق .. والاستفهامات الجريئة الشعر : على رأي محمد منير الشعر اللي بحبه الطول واللون والحرية المهنة : شظية .. شظية في قلب الضلمة .. صوت في سجن الخرس .. لحظة شفاء من البرص العائلة : كلها من الجن وأنا الإنس الوحيد .. طالع غلط ملعون زي بروموثيوس تمام لأني حاولت أقول الحقيقة للبشر وأواجه زيف القدر التهمة : حر ولأني حر .. وعارف إن مافيش حرية إلا بدم قررت أستشهد على الورق ورق الانترنت الجميل .. ونزيف الجن والملايكة قررت أنا الإنس شمهورش أبدأ معاكم في نفس المعركة .. معركة الحياة .. من لحظة ميلادنا .. لحد ما نغرق سوا أو لما نمسك طوق النجاة مولود : من 1500 سنة .. اتولدت زي البشر كلها نزلت بضحك .. عريان اتولدت وعريانة كانت الحقايق قدام عيني
شفت اللات والعزى .. قدمت القرابين للهياكل وطفت الواحد وعشرين كعبة اللي كانت موجودة ساعتها.. قدمت فروض الولاء والطاعة ساعتها حتى الصفا والمروة ساعتها .. ودبحت خروف كان شايف نفسه ساعتها المهم .. من 1500 سنة كان فيه نفس الوجوه .. اللي طل علينا بالنصيحة .. والوصايا والكلام الجميل واللى ماكنش يسمع الكلام ساعتها كان بيحصل فيه نفس اللي بيحصل في القرن الذليل .. نفس العقول تخطب وتوعظ وترجم العرش جذاب .. والسلطة زيف واحنا البشر مظاليم يطلع مسيلمه كذاب .. يغرس في لحم النبي الحقيقي مليون ناب وينادي بالفجر الجديد .. بيوم العيد.. بالجنة بالتحديد وفي صوت واحد من 1500 سنة نقول كلنا : سمع وطاعة مولاي الأمير رضا الرب من رضا الأمير أسير كان ولا ضرير سمع وطاعة مولاي الأمير وكان الأمر الأول .. السجود والأمر الثاني .. كان الحدود والأمر الثالث .. أمر السلف والجدود وقف وقفنا .. ركع ركعنا .. سجد سجدنا .. ركب الخيل ركبنا علمنا الرماية رمينا غرس السيف في الصدور .. غرسنا .. حرق الكتب حرقنا قطع الرؤوس والعقول قطعنا سمعاً وطاعة مولاي الأمير والجنة حلم زي ما بيحلم الجعان بسوق العيش حلمنا زي ما بيحلم المحروم بنهر خمور حلمنا والمرأة في الأرض عورة وفتنة لكن في الجنة بيهن حلمنا وأنا الإنس شمهورش زي البشر كلها أناني لكن مش قوي .. شهواني لكن مش قوي بأكره لكن مش قوي .. عنصري لكن مش قوي .. جبان جبان قوي وقدام القوي يعمل إيه اللي مش قوي ينافق ممكن .. لكن لحد امتى يسكت ممكن .. لكن لحد امتى وعشان كده يفاجئنا الحلاج .. وابن العربي وطه حسين .. وفرج فودة وملايين تانيين خرجوا عن طاعتك يا أمير خلاص .. فتح الضرير واتحرر الطير الأسير حد فاهم حاجة ..انا عن نفسي مش فاهم حاجة خالص !! لان عندنا اللي بيفهم بيموتوه
بداية غير موفقة من الإنس شمهورش
|