الحقيقة بعد اللي عملوا معايا ثوثو غرايز قررت آخد هدنة وأروح روما .. أستريح شوية

وبالمرة أقابل بابا الباكيتان

لأني عايز أسأله حبة أسئلة مدوخاني

السؤال الأول : هو ليه بابا الباكيتان سامح اليهود اللي موجودين إلوءتي وقالهم إنكم ملكوش ذنب في صلب المسيح ؟

يعني أفهم من كده إن بهباهات الباكيتان اللي قبل البابا بتاع إلوءتي كانوا رأيهم إن اليهود الموجودين في عصورهم مسئولين عن صلب المسيح ؟

طب وبعدين .. ما كلنا عارفين إن اليهود بتوع الأيام دي طبعاً مش مسئولين عن صلب المسيح لأن ببساطة ده اتعمل من 2000 سنة

لكن يهود اليومين دول مسئولين عن قتل وصلب ألوف البشر والأطفال والنساء

طبعاً مش كلهم لكن على الأقل منهم نسبة ليست بقليلة عنصرية وبلطجية وشبيحة

ومستعدين لصلب مليون مسيح كل لحظة

(ورمزهم والعياذ بالله ( شارون

يعني بابا الباكيتان زعلان على المسيح بس وهل المسيح بس هو اللي دمه على رؤوسهم ؟

!!وهل المسيح الوحيد اللي صلبوه بلا ذنب ؟

وبعدين مين قالك يا بابا الباكيتان إن اليهود بتوع النهاردة حلوين قوي وقلبهم أبيض

(" أنا بأتكلم عن اليهود (العنصريين " الفاشيست

واحنا المسيحيين حظنا حلو .. مش حلو قوي يعني .. لكن برضه أحسن من غيرنا نحمده على كل شيء .. إن الإسلام طلع لليهود زي الخازوق فسابونا ومسكوا في بعض

لأن كلمة في سرك اليهود المتعصبين مسخة تلك الأصل من المسلمين المتعصبين

لأن الاتنين ممكن يولعوا في الدنيا بحالها تحت شعار شعب الله المختار

والشعار الآخر .. الإسلام هو الحل

يعني أسخم من سيدي إلا ستي وعلى رأي المسلمين بيصلت أبدان على أبدان

لأن احنا المسيحيين الغلابة بتوع الخد الآخر .. ومحبة الأعداء منقدرش على الشر اللي في قلب الناس دي .. يا بابا

دول عالم ياكلوا الديناميت حاف

علشان كده أنا رأيي إنه ما كنش سامح اليهود لأنهم مازالوا بيصلبوا كل لحظة المسيح

 كنت مريض فلم تزوروني .. كنت مسجون

كنت جائع .. ومسالم فقتلتموني واحتلتوني وأرهبتموني

وبعدين يا حضرة بابا الباكيتان .. أنا صدقني بأحترمك

وبأحترم شيخ الأزهر الأخ الأستاذ الباشمهندس سيد طنطاوي

لكن حكاية الإسلام دين الرحمة واليهودية دين الرحمة

الكلام ده حقيقي يا بابا الباكيتان .. ويا باشمهندس سيد طنطاوي كلام يطلع الدين

وبالذات لو كان دين يهودي

أو دين إسلامي

صدقوني مش لأني مؤمن بالمسيح بأقول كده