ولكن كل هذا كوم .. وثوثو غرايز كوم

فقد وضعني في خانة اليك .. وهاتك يا أسئلة كأنه بيحاسبني وكأني في يوم القيامة

يخرب عقلك يا ثوثو وإنت شبه الثعبان الأقرع

المهم .. سالني : انتو المسلمين بتأمنوا إن فيه جن مسلم وجن كافر وجن مسيحي وجن مسلسل ( زي قرد مسلسل ) وبالتالي ممكن تحصل علاقة بينكم وبين الجن

تصحبوه .. تحبوه .. تكرهوه .. تجوزوه

وباعتبارك يا شمهورش نصك مسلم إنس .. ونصك جن مش عارف دينه إيه .. أكتر واحد تقدر تجاوبني

دي عينة بسيطة من أسئلة ثوثو غرايز لي .. والحقيقة السؤال كان محرج جداً

وحاولت اتفلفص .. لكن مع مين ؟ .. ثوثو غرايز ما تقدرش تهرب منه أبدأ ( واد صحيح ما جبتوش ولادة ولا جابو دكتور )

الحقيقة من الآخر .. احنا الجن عيال مجرمة .. تربية جهنم

متخافش من حد .. وفينا نوع مبيخفش حتى من اللي خلقه

يعني دواخنا البشرية من ساعة آدم وحواء وهما قاعدين في الجنة .. آكلين شربين .. متمنجهين آخر منجهة

يفطروا جبنة رومي وبسطرمة وأومليت .. والشاي الكشري ويتغدوا محشي  وبسارة وويكا ومسقعة وفراخ بانيه .. وطرشي

أو يطلبوا أي تك أواي لو حواء مش عايزة تطبخ ومقريفة من آدم حبة .. ويتعشوا حمام مشوى مع طبق فول بطحينة معتبرة .. أو يضربوا طبق خلول وسوبيا وكابوريا

يعني عايشين عيشة ملوكي .. ولا عيشة ثوثو غرايز بجلالة أدره

إزاي نسبهم في حالهم .. ده احنا اللي خلقنا العكننة .. وإحنا اللي صنعنا تركيبة حرق الدم

المهم لبسنا الحية ( يعني التعبان ) واشتغلنا عمتك حواء .. وعمتك حواء اشتغلت عمك مين ؟ عمك آدم .. وعمك آدم مكدبش خبر وأكل من الشجرة المحرمة وسقط

من ساعتها وإحنا بنشتغل على البني آدميين وهقولك سر إنت عارفه يا ثوثو

إن محمد نفسه رسول الإسلام ما اتعتقش مننا

احنا كمان سحرناه وبوظنا له الأيام اللي كان بيدخل على زوجاته فبقى مش عارف يوم مين النهاردة عائشة ولا حفصة ولا زينب ولا سونيا

الدنيا باظت يا باشا

وكما أوحينا له بآيات كتيرة قوي منها وإنت عارف قصة الغرانيق العلا

يعني المهم من الآخر الراجل محمد ده راجل بتاعنا

واجبـّنا معاه كتير وهو كمان الحقيقة متأخرش

وأديك شايف 1400 سنة عاملين إزاي .. سيف هناك وقنبلة هنا .. سبايا هناك وغنيمة هنا .. يعني الحقيقة الراجل ده فعلاً يستحق جائزة جهنم للبداوة .. مش تقولي نجيب محفوظ وزويل ومدام كوري

.. بحق أعظم رجل في التاريخ الأسود

التاريخ الأسود ده يا ثوثو غرايز تاريخنا احنا الجن وهو يقولك سر .. بس احلف ما تقولش إلا لمليار شخص بس

احنا الجن ما فيش حد فينا يعرف ربنا .. إحنا يا عم ثوثو كفرة أباً عن جد

لكن موضوع الجن المسلم والمسيحي والكافر عملناها علشان محدش يزل محمد الراجل بتاعنا ويقول عليه ده عليه شيطان

بس الحقيقة وفي سرك

إن عليه شيطان .. بس مش أي شيطان

ارتحت كده يا عم ثوثو .. ضيعتنا خلاص

وشمت العدوين فينا .. الله يكحمك يا ثوثو

 ملحوظة :

ثوثو غرايز صديق حميم من الإنس رافقني لمدة شهر في بلاد الفرنجة