|
ازجال واشعار |
|
|
قيدوا شمعة!!
قيدوا شمعة يا أحبه ونورو لي رمشتين من رمش عين وبيندهولي من هنا سكة ملامة من هنا سكة ندامة سكتين ياللا السلامة أمشي فين يا ناس قولولي
رمشتين من رمش جارح فوق عيون السحر طارح زادوا نبض القلب حبه بالأماني في المحبة والأماني هناك بشوكها طالعة فوق السط دُكها بتلاغيني وتناديني من بعيد وتقول أديني كان بودي عايز أعدي والظنون بتقول لي هدي من هنا سكة ملامه من هنا سكة ندامة سكتين ياللا السلامة أمشي فين يا ناس قولولي
قيدوا شمعة يا صبايا نورو لي وطمنوني بحر بيني وبين هوايا موجُه يشبه موج ظنوني كل موجة شايلة شيله حلم ليلة وهم ليلة عد موج البحر ياللي شفت حالي وقول لخلي كان بودي .. عايز أعدي والظنون بتقول هدي من هنا سكة ملامة من هنا سكة ندامة سكتين ياللا السلامة أمشي فين يا ناس قولولي
مال يا قلبي العشق بينا مال وخالي البال يلومني مال وقال للشوق يجينا في الليالي يقل نومنا بين مسامنا وبين صباحنا ونصحى والناس نعسانين موعودين بالجرح يا حنا والدوا للموعودين ايه دا كله يا قلبي إيه دا شوف طريق العقل واهدا من هنا سكة ملامة من هنا سكة ندامة سكتي ياللا السلامة أمشي فين يا ناس قولولي قيدوا شمعة ونورو لي
أحمد فؤاد نجم |
||||||||||||||||||||||||||||||